"Ksolok ba, tan loron aban sei malahuk"
Manu fuik semo leku-leku rai Laiha lia-futu mak kesi nia hakarak Semo borus nakukun falun nia iis Sasin ain le'ut kore loron manas Husi rai nebe hahoris no habo'ot nia Lamosu anin tarak mak sukit sira lian haksolok Nudar mos dubun foun rai ne'e nian Halai haklalak haksolok kore ta'uk lolos na'in Lamosu lutu hodi sulan klamar Hahu rai loke matan to'o fahe nakukun Laiha ida mai teri netik hodi hadau Hadau hakmatek nudar na'in rasik Futu sai ida halo'ot iha kakutak karik loron ida sai memoria Rai nia manas hatutan fakar iis hamta'uk Lutu nabilan hahu hamrik sukit matan Karik loron mai nia taka neon teri ain le'ut Dehan rai ó nian, ó ran fakar fatin Sá mak sei sai ó nian se labiban hakat lutu ? Fiar katak hakmatek ohin sei hela mehi ba loron mai Sei tolan moruk maske temi ó mak na'in Ta'uk mak na'in halimar de'it iha ninin Ta'uk mak tasi nia me'er de'it sente ...