"Dalan rihun ba Roma."
"Dalan rihun ba Roma." Kuda batar ba rai foun Falun iis ida rua, haki'ak Haburas ho kosar lotuk Satan loron si'ak homan fuan bo'ot Mehi, karik fulin nakonu Iha dalan ninin, loron matan haksumik áan Rai maran husik mak uut ruin Lakon anin kmaus, sai kamutis, lafolin. Nu'udar ai-hun fuan laek Tenke tesi, keta fakar kosar lafolin Haka'as áan tuba metin? Lae. Kakutak ladukur Semo... Semo hikas... Horon anin foun Fulan, keta tolan kosar ween Biar mukit, nia iha folin La'os hamro'ok Lae mos mehi àas Lae!!! Hatene??? Manu lin sei lahamlaha iha natar ninin Dungannon, 05.01.19 Djoe Lari Mata