"Ha'u Rain, Ha'u Sei Tane."
Istoria Badak !!!
_________________________________
"Ha'u Rain, Ha'u Sei Tane."
**********************
Hafoin tinan lubuk ha'u hakat ain husik hela O lolon. Husi rai ida ne'bé ema hotu hatene nakonu ahu ruin, infeita isin ho matak husi ai huun kulu ho nuu no hori uluk tempu Kolonialista, malae sira hanaran : "Villa Salazar" ka bee matan mosu no sulin iha fat-fatin no hatutan iha tempu okupasaun, bapa sira hanaran O : "KOTA BERKARANG" née. Ohin ha'u fila uma. Maske uluk ha'u hadook a'an lao ba rai seluk. Tamba moris mak haruka ha'u tenke husik O, la iha liafuan SAYONARA ka goodbye ne'ebé sai husi ibun antes hakat ain atu husik hela O iha tempu neba, tamba ha'u hatene "O SEI NAFATIN HORIK IHA HA'U FUAN no LORON IKUS HA'U SEI FILA BA O". Maibe, ohin ha'u fila hikas ba rai ne'ebé ha'u moris fatin. Ohin loron O nia oin muda a'an sai oin seluk los la hanesan ona uluk.
Ha'u sei hanoin momos iha tempu susar laran, husi O husar talin, moris MANU AMAN barak ne'ebe fo a'an tomak atu defende O husi ahu nain funu baluk sira liman, maske iha mos MANU INAN balun hodi futu lia ho ema liur atu fa'an O tantu iha tempu Kolonialista ka tempu okupasaun nia laran. Ha'u no O oan sira hotu mos sei la haluha oinsa O lolo liman hodi fo tulun ba O emar sira to'o ohin loron rai ida née hetan nia ukun rasik a'an.
Iha neba. Iha foho Matebian neba. Nu'udar SASIN no sai fatin fatin mahon. O oan sira helik a'an husi inimigu. Barak mak lakon, soe isin no ruin kari lemo-lemo iha O lolon tamba hakarak defende O, maske ohin loron sira nia mate hanesan LA FOLIN husi rai née nia lalaok. Ha'u fiar katak, barak husi ukun Nain rai née ne'ebé ohin loron sei moris no horon anin libertasaun mos sei la subar a'an husi sira nia livru istoria nebe halo iha O leten, sira baluk uluk latan subar iha O knuuk ne'ebe sira sei la nega diak tomak ba sira hodi moris nafatin to'o ohin loron, maibe Karik ohin loron sira haluha ona O. La iha buat ida. Tamba, rai naroman ona no ita moris iha nasaun demokratika, ne'ebé fo dalan ema hotu atu hanoin tuir sira nia hakarak, katak diak liu tenke hateke ba oin duke hare fali ba kotuk hodi haluha O.
Husi lalaok née, O halo buat barak mai ami, nunka sisi O nia diak tomak mai ami, maibe nafatin ibun taka ba liafuan rihun, O hakmatek hodi nafatin tane ami. Husi fatin ne'ebé seguru hodi gerilha, O mos hamaus ami ho furak ne'ebé iha. Karik bele ha'u temi, hanesan : tasi lihun masin-Laga, bee sulin tun Asanunu-Boleha, bee lihun Badu-Mori, gua 7-Bercoli, raihenek mutin-Wata boo, pisina-Kota Lama, ponte natureza-Waioli no fatin barak tan ne'ebé halibur ami ho furak oi-oin.
Iha O nia kabun leten mos natar ho to'os ami halo hodi kuda aihan, liu-liu hare, batar, forai, fortali, ai farina, fehuk, modo no aihan seluk atu hatutan ami moris. Rai muda a'an lais tebes, se ema hotu preokupa halo kna'ar no sente tempu badak tebes hanesan ohin mak loron ikus no aban rai atu nabeen ona hodi halo ema badinas atu duni sira nia mehi.
Husi lalaok moris ne'ebé la mamar, nune'e mos sasan barak muda a'an iha O leten. Baluk diak no seluk lae. Ha'u hare, hafoin tempu ukun a'an nia laran, O oan sira hakarak hadia sira moris, laos ona husi natar no to'os ne'ebé iha maibe ho dalan fila liman. Sira nadodon tun mai vila hanesan kareta ne'ebé dirasaun kotu hodi nune'e hotu-hotu bou hamutuk iha vila laran to'o fatin ne'ebé ema husik hela, hanesan edefisiu, uma pribadu nebe uluk sunu iha 1999 to'o rai fuik besik dalan ninin mos uja hotu sai fatin hamahon hodi buka moris.
Oinsa ho natar no to'os ?
HA'U LAHATENE !!!
So ha'u maluk sira née rasik mak hatene no esplika, tamba sa natar ho to'os hadook ona husi liman kaer.
"Natar ho to'os ohin loron barak mak husik sai fuik, troka hodi hakiak du'ut fuik sira tamba la iha ema mak hare netik, hela mesak katuas ho ferik sira mak tau matan, klosan hotu hili dalan tama sidade ho hanoin katak : laos ona tempu atu tenki habai loron manas, kosar sulin no tempu naruk hodi hetan netik nia folin ne'ebé naton atu fo han familia duke iha vila, iha vila ho deit badinas no la moe kaer serbisu, lalais tebes bele hadia moris sa tan mosu naroman nabilan foun ne'ebé sei lahetan se ita nafatin hela iha foho." Karik tuir ha'u nia hanoin.
Hahalok ne'e halo ha'u hanoin hikas liafuan husi ha'u belun ida iha fulan hira liu ba kotuk. Wainhira ha'u hetan nia ho kareta prado para iha hau oin hodi hase ha'u.
"Atu ba nebe ?"
"Ha'u ba foho lai, atu hare natar. Kan née bai udan."
"Oooouu...
Nusa la buka serbisu iha Dili deit ona ? Lagian, o hare baiudan mos la stabil, otomatis mota been mos hanesan. Duke halo kole a'an halai natar, nusa la tuir ha'u deit ona ? Bro... La jaman ona sulan iha foho.
Hahahha ... Hahahha... Hahaaai.."
"Be, o serbisu saida ?"
"Yah... Kaer projetu oan da sa... , se hakarak sa.... O ajuda kontrola labarik sira serbisu mos los na, kan lumayan, yang penting kan osan.... " nia hatudu liman ba mai sai husi kareta nia janela hodi fo sugestaun, karik nia hanoin dalan née mak diak liu ona ba ha'u atu buka osan.
"Hummm,.... Nee mak ha'u hanoin took. Kan o nia nomor hau iha hela. Nee mak ha'u kontaktu se jadi, ok ?" Hau hiit liman sorin hodi koi ulun maske ha'u nia ulun mos la katar ka utun mos la iha no hatan karik bele ka lae serbisu ho nia.
"Eiiihhh... Nusa mak hanoin tan ? Diak liu o hene'e deit ona. Ba tan foho halo saida, se lae agora ita ba uma, sambil hemu kafe manas mak koalia halimar, kan Gaya liu." Nia koalia no konvida atu ba nia uma. Ha'u mos doko ulun hanesan sinal aseita ho ninia sugestaun née no hakat ain tama ba nia kareta no hahu ba nia uma. Maibe iha dalan klaran, ami rua dada lia no ikus ha'u hakotu dehan prontu atu serbisu ho nia. No nia tula hikas ha'u ba ha'u nia hela fatin.
Husi dada-lia iha leten, mosu hanoin hodi husu ba ha'u a'an :
saida mak mosu ona iha ha'u rain ?
Oinsa natar ho to'os ?
Hamutuk ho anin mudansa nia huu, anin foun furak no anin a'at falun O isin lolon. Iha buat diak barak mak hamosu, lalaok a'at barak mos hakiak hamutuk. Maibe iha ami hotu nia haka'as a'an hakarak nahe O sai diak iha loron aban. Maske ho klamar ne'ebé belit ona ho ami, hanesan ami nia ai tahan ne'ebé ami lori lemo-lemo, maske mosu lian ne'ebé kili ami fiar, hanesan belun hotu husi rai seluk fo naran mai ami ho karimbu "MUTU RABU", maibe ho karimbu née rasik fo kbi'it mai ami atu hakat hadia a'an biar atu sidi fatuk ka sidi ai ami sei la hakiduk no la hatene kolen hakat nafatin ba oin maske lian hatun no hasara hase iha ami tilun.
Maibe keta hanoin karimbu née nu'udar buat a'at ka malisan ida, ami simu ho laran kma'an no née mak nudar pintura husi ami rain nia lolon ne'ebé to'os maibe wainhira koko atu hare ba laran, keta hakfodak katak : laran la to'os tuir nia kulit hanesan ema ne'ebé mosu ho oin ta lahan maibe fuan malirin laran maus, nu'udar lian malayu karik dehan : TAMPAN PREMAN TAPI BERHATI PANCE, ehhhh... Deskulpa, los mak BERHATI MALAIKAT.
Hahu husi hahalok née rasik, iha oan badinas sira liman, sira halo buat hotu hodi hamorin O naran, no hiit O oin husi seitor hotu. Ohin, uma talin sira, rai fuik hotu hanesan masonik nakfilak a'an hodi kuda uma bobo'ot iha leten no hatudu ba rai seluk katak iha LORO SA'E neba FATUK MUTIN MURAK hader ona no kari nia furak ba se deit mak ho laran kma'an mosu atu hakbesik.
No furak née sei kompletu wainhira loro matan tolan mout iha rai nia kabun, nakukun hase no sai nabilan liu tan atu hamaus matan bainhira lao halimar hodi fa'an matan iha luron, husi uma ba uma atu hare sidade nia furak, laos ona iha lalehan de'it mak fitun mosu maibe husi uma sor-sorin no iha luron husi sikun ba sikun mos ita bele asisti fitun rai nian née hodi halo nabilan liu iha tempu kalan.
Tamba née, iha O leten fatin ha'u hamriik ba, ha'u promete : wainhira ha'u sei iha i'is, ha'u prontu atu hamorin O naran no tane O !!!
TAMBA :
"HUSI O HA'U IHA, BA O HA'U PRONTU SAKRIFIKA A'AN NO IHA O HUSAR HA'U SEI HALOT HA'U ISIN."
IKUS :
VIVA RAI KULU GISA !!!
Obrigado.
Dili, 10.06.2016.
Djoe Lari Mata
_________________________________
"Ha'u Rain, Ha'u Sei Tane."
**********************
Hafoin tinan lubuk ha'u hakat ain husik hela O lolon. Husi rai ida ne'bé ema hotu hatene nakonu ahu ruin, infeita isin ho matak husi ai huun kulu ho nuu no hori uluk tempu Kolonialista, malae sira hanaran : "Villa Salazar" ka bee matan mosu no sulin iha fat-fatin no hatutan iha tempu okupasaun, bapa sira hanaran O : "KOTA BERKARANG" née. Ohin ha'u fila uma. Maske uluk ha'u hadook a'an lao ba rai seluk. Tamba moris mak haruka ha'u tenke husik O, la iha liafuan SAYONARA ka goodbye ne'ebé sai husi ibun antes hakat ain atu husik hela O iha tempu neba, tamba ha'u hatene "O SEI NAFATIN HORIK IHA HA'U FUAN no LORON IKUS HA'U SEI FILA BA O". Maibe, ohin ha'u fila hikas ba rai ne'ebé ha'u moris fatin. Ohin loron O nia oin muda a'an sai oin seluk los la hanesan ona uluk.
Ha'u sei hanoin momos iha tempu susar laran, husi O husar talin, moris MANU AMAN barak ne'ebe fo a'an tomak atu defende O husi ahu nain funu baluk sira liman, maske iha mos MANU INAN balun hodi futu lia ho ema liur atu fa'an O tantu iha tempu Kolonialista ka tempu okupasaun nia laran. Ha'u no O oan sira hotu mos sei la haluha oinsa O lolo liman hodi fo tulun ba O emar sira to'o ohin loron rai ida née hetan nia ukun rasik a'an.
Iha neba. Iha foho Matebian neba. Nu'udar SASIN no sai fatin fatin mahon. O oan sira helik a'an husi inimigu. Barak mak lakon, soe isin no ruin kari lemo-lemo iha O lolon tamba hakarak defende O, maske ohin loron sira nia mate hanesan LA FOLIN husi rai née nia lalaok. Ha'u fiar katak, barak husi ukun Nain rai née ne'ebé ohin loron sei moris no horon anin libertasaun mos sei la subar a'an husi sira nia livru istoria nebe halo iha O leten, sira baluk uluk latan subar iha O knuuk ne'ebe sira sei la nega diak tomak ba sira hodi moris nafatin to'o ohin loron, maibe Karik ohin loron sira haluha ona O. La iha buat ida. Tamba, rai naroman ona no ita moris iha nasaun demokratika, ne'ebé fo dalan ema hotu atu hanoin tuir sira nia hakarak, katak diak liu tenke hateke ba oin duke hare fali ba kotuk hodi haluha O.
Husi lalaok née, O halo buat barak mai ami, nunka sisi O nia diak tomak mai ami, maibe nafatin ibun taka ba liafuan rihun, O hakmatek hodi nafatin tane ami. Husi fatin ne'ebé seguru hodi gerilha, O mos hamaus ami ho furak ne'ebé iha. Karik bele ha'u temi, hanesan : tasi lihun masin-Laga, bee sulin tun Asanunu-Boleha, bee lihun Badu-Mori, gua 7-Bercoli, raihenek mutin-Wata boo, pisina-Kota Lama, ponte natureza-Waioli no fatin barak tan ne'ebé halibur ami ho furak oi-oin.
Iha O nia kabun leten mos natar ho to'os ami halo hodi kuda aihan, liu-liu hare, batar, forai, fortali, ai farina, fehuk, modo no aihan seluk atu hatutan ami moris. Rai muda a'an lais tebes, se ema hotu preokupa halo kna'ar no sente tempu badak tebes hanesan ohin mak loron ikus no aban rai atu nabeen ona hodi halo ema badinas atu duni sira nia mehi.
Husi lalaok moris ne'ebé la mamar, nune'e mos sasan barak muda a'an iha O leten. Baluk diak no seluk lae. Ha'u hare, hafoin tempu ukun a'an nia laran, O oan sira hakarak hadia sira moris, laos ona husi natar no to'os ne'ebé iha maibe ho dalan fila liman. Sira nadodon tun mai vila hanesan kareta ne'ebé dirasaun kotu hodi nune'e hotu-hotu bou hamutuk iha vila laran to'o fatin ne'ebé ema husik hela, hanesan edefisiu, uma pribadu nebe uluk sunu iha 1999 to'o rai fuik besik dalan ninin mos uja hotu sai fatin hamahon hodi buka moris.
Oinsa ho natar no to'os ?
HA'U LAHATENE !!!
So ha'u maluk sira née rasik mak hatene no esplika, tamba sa natar ho to'os hadook ona husi liman kaer.
"Natar ho to'os ohin loron barak mak husik sai fuik, troka hodi hakiak du'ut fuik sira tamba la iha ema mak hare netik, hela mesak katuas ho ferik sira mak tau matan, klosan hotu hili dalan tama sidade ho hanoin katak : laos ona tempu atu tenki habai loron manas, kosar sulin no tempu naruk hodi hetan netik nia folin ne'ebé naton atu fo han familia duke iha vila, iha vila ho deit badinas no la moe kaer serbisu, lalais tebes bele hadia moris sa tan mosu naroman nabilan foun ne'ebé sei lahetan se ita nafatin hela iha foho." Karik tuir ha'u nia hanoin.
Hahalok ne'e halo ha'u hanoin hikas liafuan husi ha'u belun ida iha fulan hira liu ba kotuk. Wainhira ha'u hetan nia ho kareta prado para iha hau oin hodi hase ha'u.
"Atu ba nebe ?"
"Ha'u ba foho lai, atu hare natar. Kan née bai udan."
"Oooouu...
Nusa la buka serbisu iha Dili deit ona ? Lagian, o hare baiudan mos la stabil, otomatis mota been mos hanesan. Duke halo kole a'an halai natar, nusa la tuir ha'u deit ona ? Bro... La jaman ona sulan iha foho.
Hahahha ... Hahahha... Hahaaai.."
"Be, o serbisu saida ?"
"Yah... Kaer projetu oan da sa... , se hakarak sa.... O ajuda kontrola labarik sira serbisu mos los na, kan lumayan, yang penting kan osan.... " nia hatudu liman ba mai sai husi kareta nia janela hodi fo sugestaun, karik nia hanoin dalan née mak diak liu ona ba ha'u atu buka osan.
"Hummm,.... Nee mak ha'u hanoin took. Kan o nia nomor hau iha hela. Nee mak ha'u kontaktu se jadi, ok ?" Hau hiit liman sorin hodi koi ulun maske ha'u nia ulun mos la katar ka utun mos la iha no hatan karik bele ka lae serbisu ho nia.
"Eiiihhh... Nusa mak hanoin tan ? Diak liu o hene'e deit ona. Ba tan foho halo saida, se lae agora ita ba uma, sambil hemu kafe manas mak koalia halimar, kan Gaya liu." Nia koalia no konvida atu ba nia uma. Ha'u mos doko ulun hanesan sinal aseita ho ninia sugestaun née no hakat ain tama ba nia kareta no hahu ba nia uma. Maibe iha dalan klaran, ami rua dada lia no ikus ha'u hakotu dehan prontu atu serbisu ho nia. No nia tula hikas ha'u ba ha'u nia hela fatin.
Husi dada-lia iha leten, mosu hanoin hodi husu ba ha'u a'an :
saida mak mosu ona iha ha'u rain ?
Oinsa natar ho to'os ?
Hamutuk ho anin mudansa nia huu, anin foun furak no anin a'at falun O isin lolon. Iha buat diak barak mak hamosu, lalaok a'at barak mos hakiak hamutuk. Maibe iha ami hotu nia haka'as a'an hakarak nahe O sai diak iha loron aban. Maske ho klamar ne'ebé belit ona ho ami, hanesan ami nia ai tahan ne'ebé ami lori lemo-lemo, maske mosu lian ne'ebé kili ami fiar, hanesan belun hotu husi rai seluk fo naran mai ami ho karimbu "MUTU RABU", maibe ho karimbu née rasik fo kbi'it mai ami atu hakat hadia a'an biar atu sidi fatuk ka sidi ai ami sei la hakiduk no la hatene kolen hakat nafatin ba oin maske lian hatun no hasara hase iha ami tilun.
Maibe keta hanoin karimbu née nu'udar buat a'at ka malisan ida, ami simu ho laran kma'an no née mak nudar pintura husi ami rain nia lolon ne'ebé to'os maibe wainhira koko atu hare ba laran, keta hakfodak katak : laran la to'os tuir nia kulit hanesan ema ne'ebé mosu ho oin ta lahan maibe fuan malirin laran maus, nu'udar lian malayu karik dehan : TAMPAN PREMAN TAPI BERHATI PANCE, ehhhh... Deskulpa, los mak BERHATI MALAIKAT.
Hahu husi hahalok née rasik, iha oan badinas sira liman, sira halo buat hotu hodi hamorin O naran, no hiit O oin husi seitor hotu. Ohin, uma talin sira, rai fuik hotu hanesan masonik nakfilak a'an hodi kuda uma bobo'ot iha leten no hatudu ba rai seluk katak iha LORO SA'E neba FATUK MUTIN MURAK hader ona no kari nia furak ba se deit mak ho laran kma'an mosu atu hakbesik.
No furak née sei kompletu wainhira loro matan tolan mout iha rai nia kabun, nakukun hase no sai nabilan liu tan atu hamaus matan bainhira lao halimar hodi fa'an matan iha luron, husi uma ba uma atu hare sidade nia furak, laos ona iha lalehan de'it mak fitun mosu maibe husi uma sor-sorin no iha luron husi sikun ba sikun mos ita bele asisti fitun rai nian née hodi halo nabilan liu iha tempu kalan.
Tamba née, iha O leten fatin ha'u hamriik ba, ha'u promete : wainhira ha'u sei iha i'is, ha'u prontu atu hamorin O naran no tane O !!!
TAMBA :
"HUSI O HA'U IHA, BA O HA'U PRONTU SAKRIFIKA A'AN NO IHA O HUSAR HA'U SEI HALOT HA'U ISIN."
IKUS :
VIVA RAI KULU GISA !!!
Obrigado.
Dili, 10.06.2016.
Djoe Lari Mata
Komentar
Posting Komentar