"Antologia puisia."
1. "Hakat ba mehi."
Kuda liafuan
Sikat ida rua
Rai ida, sabir seluk
Pinta klamar namlele
Ba kor moris matan laran
Keta hakat dook, keta semo áas
Keta. Besik de'it badak de'it
Atu bele belit kakorok kuda iha fuan
Habiban buras iha neon sai bukae
Husi liman fo'er kabun hamlaha
Be kabala hela lian fiar iha kba'as
Keta tisi ba sofa leten
Keta helik ba neon dukur. Keta.
Tan laran metin hahu naksulin ba abut sanak
Nune'e loke liman ba, kaer hodi sani folin
Dungannon, 05.08.18
Djoe Lari Mata
2. "Na'in ba hakat rasik."
Hakat....
La'o haborus loro matan si'ak
Fera nakukun nia fukun
Kahe kosar fase taridu tomak
Lekar tuir mehi be kuda metin
Hananu ho fulan haklalak ho fitun
Tisi ba kohe iis pedasuk mak hetan
Ta'uk monu?
Hotu sei la ses dalan ne'e.
Hakat ba,....
to'o baibhira nakaras homan hikas nia roman kmaus hakmatek
Basá,....
só aten brani mak sai nain ba moris ne'e
Dungannon, 26.07.18
djoe lari mata
3. "Loron aban sei mosu."
Ai hun nurak
Be kle'ur kuda, buras matak
Iha tós mehi kakutak
Tahan ida rua hahu monu haketak
Semo namlele, taka rabat rai, haklenak
Dook husi lolon, hakdasak
Homan ain iha moris nia merak
Mihis dadauk folin fuan tasak
Mout ba laloran nia si'ak no tarak
Molok lekar murak tomak
Bainhira anin foun hamrook furak
Akh... husik ba... mosu tiha ba naksalak
Basá loron aban sei fahe hikas nia lalatak
Portadown, 11.08.18
djoe lari mata
4. "Hader husi hakdasak hako'ak"
Tutur mehi ho iis nafurin
Hakat hela knua, uman, rai moris fatin
Tane kba'as ho klamar nakonu
Liki ain semo anin leten
Hakat tuir loro-matan nakduir
Homan dalan, bainhira loro-matan hase lalatak,
Malahuk sadik matan, lori klamar namlele ba lihun roman
Horut turuk rohan hodi kuda dikur
Hakmatek nakoron ba sikun haluha aan
Keta.
Keta hakdasak beibeik
Loron nakduir áas ona
Kahe ba, kulit foun nee
Bainhira otas hako'ak ba nia nakaras
Karik lolon nee selu sira kosar
Kosar be turuk habokon hamnasa ohin
Atu lasai duut manlai ba ain fatin rasik
Maibe karik lamidar nu'udar mehi tuan
Husik ba, simu ho liman nakloke
Tan loro matan sei mosu maske nakukun falun fila-fila
Basá husi hakdasak sei hetan anin roman foun
Maske nanotak hako'ak ba liman laran
Dungannon, 18.08.18
Djoe Lari Mata
5. "Liaun kulit bibi-malae."
Liafuan mesak tais
Ba hirak be ó hais
Nee mak bisnis
Buka hatutan iis
Ha'u klamar tanis
Ba ó be matenek nanis
Halimar ho ha'u moris
Hodi hadau lais
Ohin ha'u hatene kois
Ó lekar mesak dois
Husi kakutak be ó hois
Ho ó knananuk koris
Dungannon, 30.07.18
Djoe Lari Mata
6. "Sorti be...."
Sorti be... ha'u look netik kosar been
Ohin nia hako'ak netik naroman
Sorti be... ha'u kari netik masin midar
Ohin nia lekar netik hamnasa mamar
Sorti be... ha'u tafui netik ba babota
Hodi nia lian lulik nia lian surik
Sorti be... ha'u iha hodi nafatin konta
Be nusa ha'u nain nafatin mesak halerik ?
Laiha ida mak sisi ka obriga ha'u
Lae mos ida mak dada, mos dudu
Lae mos ida mak selok ka babeur
La'os mos tan ha'u matan dukur
Etu karik tein tasak ona
Wee karik nakfakar ona
Sá naksalak mak ha'u hatutan kokorek?
Be nusa sei name'ek lerek?
La'os lalatak ne'e oan husi ita futu-lia?
Dungannon, 22.08.18
Djoe Lari Mata
7. "Ha'u lian, ha'u lalatak (identidade)."
Tós natar bokur loke liman falun hamaus
Ó hatutan tuur namlaek
Ko'us ó ain falun kanuruk
Sulin áan ba lalatak "jaman now"
halo makerek ó nian rasik
Sai namlele hodi dudu ó maluk ba sikun
Hamoe, hasara no hewai ó maluk
Nabolok lolos monu husi kalohan tutun
Hei hun matak dikin nurak sira
Hader ba
Ó mak lutu ó mak liman kro'at
Atu satan atu tane
Hamorin haburas habelar ó lian
Oinsa mak bele foti ó oin
bainhira ó rasik hasakat
tolan balun arota balun
la toman hakmumuk iha ó ibun rasik ?
Rai tarutu udan monu rai
Sei habokon hela rai
Oinsa tós natar be bokur laiha folin
Bainhira ó rasik la kosar sulin?
Keta dehan folin laek, keta.
Se ó rasik mak sabir hodi tisi ba luron
Dungannon, 24.08.18
Djoe Lari Mata
8. "Ukun áan."
Neon, aban ita selebra ukun áan
Los !
Katak....
Mataween fakar bikan doku
Selebra ran naksulin
Selebra ruin naklekar
Husi kakutak ne'ebé dadur, lakon naroman
Husi rate laek nebe ohin nonok, malirin
Akh...
Ka aban ha'u fanun ó, "hoi... hader, loro-matan áas ona. Kesi futu kabun hadau naroman."
Ka ita, "sena malu, dudu malu, hakat sai neineik husi ita knua. Hodi sai la'orai iha rain rasik."
Dungannon, 29.08.18
djoe lari mata
9. "Lalatak lafurak nu'udar mehi kalan."
Ha'u foin hahu hakat
Ain fatin sei kaber
La falun rai uut nebe tempu mak han
Lae. Ain le'ut sei matak
Husi ibun, hahu riska kalohan metan
Ba fatuk musan be teri netik
Hanesan abu-abu tomak kor metan bainhira hare husi besik
Nafatin hakat,
Ha'u look matan ba foho krekas neba
Kakutak sasin lia ho iis nanotak
Pinta ai-hun mesak maran, molik, laiha folin
Nu'udar nia laek nanis ba kor matak
Ikus, ha'u tuur hakmatek
Ho ain-tuur hako'oak kanuruk
Iha kakuluk lolon rasik nia mahon
Sisi áan, kolu taridu, luku ba anin foun
Fihir kle'an ba osan besi ho matan rua
Basá midar ne'e la'os katak laiha moruk
Dungannon, 28.08.18
Djoe lari mata
10. "Sira merese duni."
Sira...
Semo namlele iha kalohan tutun
Hananu knananuk ho anin mamuk
Ne'e sira...
Karik la monu ó laran ?
Hakmatek nonok haksumik iha ó laran
Keta koko iis
Keta selok nanal
Keta fai liman
Keta !
Di'ak liu ba fó han fahi
Behu batar ba manu
Halibur bibi ba wee matak
Fila rai hodi hatene kosar
Basá...
Sira matak nakonu tarak
Sira ksolok su'ar nonok
Nune'e...
Ohin, loro-matan leno duni ita rain
Dungannon, 28.08.18
djoe lari mata
11. "Na'in ba ain rasik."
Kumu liman sama rai metin
La'o ba oin, lolo ain dook, riska ain fatin
Loron aban, laiha ona belun laek ona maluk
Husi sira be falun ó naran ho de'it knananuk
Loron aban nia manas kro'at, mos si'ak
Lakon ona talin lisan nu'udar lalatak
Lekar hela mak ó se ha'u se husi ita le'et nu'udar knanoik
Basá na'in rasik sai ona du'ut manlai iha nia tós rasik
Lae. Ó tenke hakat mesak ba oin
Sela tarak, hakdasak, hodi hadau folin
Nu'udar bukae hodi dahur biar lian halerik
Tan molok aban loro matan mosu, ó sai ona la'orai iha rain rasik
Dungannon, 05.09.18
djoe lari mata
12. "Mehi"
Mehi ?
Keta mehi
Keta.
Dada iis de'it mos todan
Basá ó mehi, ó nian rasik fa'an ona
Hela mak tatis sorin be kulafru
Hodi ó loke matan iha dader-dader
Fihir netik rai nia furak
Foti matan sa'e took ba laletek neba
Ba kakuluk neba
Ó sei lafiar sá mak matan sei ko'alia ba ó
Lohi ó neon katak sira ó liman sorin
Sira tuur taka falta halo netik rai moris
Hodi kili malu
Hodi ku'u malu
Hodi ke'e malu
Hodi hakoi daudaun ó klamar
Sé kolen ona tonka kakorok
Hakmatek ba ho ó laran dodok
Fila hikas ba ita baraka, falun nonok
Sura hikas ita fatuk musan hira sei hela
Atu aban sira liu, la teri netik sira ain fatin
Basá ita iha husi ita nian laiha ba sira neon
Nune'e keta mehi tan
Keta.
Maibe dada iis ba, ho loron nanotak ita iha
Molok aban sira fa'an tutan ita lolon
Dungannon, 07.09 18
Djoe Lari Mata
13. "Liamenon ba ó loron moris."
Oan,....
Ohin ó hanaruk tan loron moris
Ha'u, ó aman,....
Sei lakari naroman ba ó babota
Tuir sá mak sira lekar iha ó matan
Lae. Sei lamosu iha ó oin !
Tan sei haki'ak de'it ó neon baruk
Halo ó liman mihis haluha kosar
Karik ohin ó laran lahakmatek
Karik ohin ó neon taridu tan liras laek
Basá ohin,...
Ha'u fakar moruk turuk ida ba ó bikan laran
Hodi fanun ó klamar neon nain
Nune'e loke ó kakutak nu'udar ema baibain
Katak....
Moris lolos ne'e la'os hanesan iha paraiso
Ka mehi furak be ó hetan iha toba kalan
La'os mos husi seluk nia lolo liman ka laran luak
Maibe me'er iha ó isin lolon mak ó áan
Oan,....
Karik laiha buat murak hodi hafalun ó loron ksolok
Hili ba ha'u lala'ok hodi fihir ó dalan
Moris la'os mamar hanesan pudin hodi fase ibun
Tan loron aban, lalatak moris si'ak tebes
So ema iha kulit mak bele hakur laloran fuik
Husi nonok, nee mak ha'u nia mehi ba ó atu banati
Hein katak ó bele sai nain ba kakutak rasik
Hodi riska ain fatin mesak
Dungannon, 01.10.18
Djoe Lari Mata
14. "Kbi'it husi mukit."
Hare...
Hateke...
Dook ba foho matak neba
Nia lekar ba matan : hakmatek, nonok ninian
Laiha lian ida husu ba ha'u laran luak
Hodi sasin nanal katak nia furak, nia kmo'ok, nia kmanek
Lae. Nia hakmatek, nia nonok maske nia furak nanis
Maibe karik ha'u fihir ba ha'u sorsorin
Barak tebretek, barak nakri'ik hatudu áan
Sasin liman kari furak kail laran kmaus iha matan aat sira le'et
Tan hamro'ok husi áan be la satan
Maske ulun mak katar maibe koi fali ain
Ba sira, "akh.... ne'e baibain ona."
Karik ha'u hateke ba áan, fihir ha'u lalatak
Ha'u sei hatene no hatene duni
Se mak se, sa tan ho ha'u
Tan ha'u mos ida hanesan sira
Be hamro'ok ba seluk nia ibun midar
Katak ha'u iha kbi'it, ha'u liman morin
Nebe nafatin lohi áan atu hadau popularidade
Haluha katak loron ruma sei sai fatuk tarak ba ain rasik
Maibe dala barak mos ha'u oin mahar dehan ba áan : "akh... ne'e baibain tiha ona."
Dunganon, 16.10.18
Djoe Lari Mata
Kuda liafuan
Sikat ida rua
Rai ida, sabir seluk
Pinta klamar namlele
Ba kor moris matan laran
Keta hakat dook, keta semo áas
Keta. Besik de'it badak de'it
Atu bele belit kakorok kuda iha fuan
Habiban buras iha neon sai bukae
Husi liman fo'er kabun hamlaha
Be kabala hela lian fiar iha kba'as
Keta tisi ba sofa leten
Keta helik ba neon dukur. Keta.
Tan laran metin hahu naksulin ba abut sanak
Nune'e loke liman ba, kaer hodi sani folin
Dungannon, 05.08.18
Djoe Lari Mata
2. "Na'in ba hakat rasik."
Hakat....
La'o haborus loro matan si'ak
Fera nakukun nia fukun
Kahe kosar fase taridu tomak
Lekar tuir mehi be kuda metin
Hananu ho fulan haklalak ho fitun
Tisi ba kohe iis pedasuk mak hetan
Ta'uk monu?
Hotu sei la ses dalan ne'e.
Hakat ba,....
to'o baibhira nakaras homan hikas nia roman kmaus hakmatek
Basá,....
só aten brani mak sai nain ba moris ne'e
Dungannon, 26.07.18
djoe lari mata
3. "Loron aban sei mosu."
Ai hun nurak
Be kle'ur kuda, buras matak
Iha tós mehi kakutak
Tahan ida rua hahu monu haketak
Semo namlele, taka rabat rai, haklenak
Dook husi lolon, hakdasak
Homan ain iha moris nia merak
Mihis dadauk folin fuan tasak
Mout ba laloran nia si'ak no tarak
Molok lekar murak tomak
Bainhira anin foun hamrook furak
Akh... husik ba... mosu tiha ba naksalak
Basá loron aban sei fahe hikas nia lalatak
Portadown, 11.08.18
djoe lari mata
4. "Hader husi hakdasak hako'ak"
Tutur mehi ho iis nafurin
Hakat hela knua, uman, rai moris fatin
Tane kba'as ho klamar nakonu
Liki ain semo anin leten
Hakat tuir loro-matan nakduir
Homan dalan, bainhira loro-matan hase lalatak,
Malahuk sadik matan, lori klamar namlele ba lihun roman
Horut turuk rohan hodi kuda dikur
Hakmatek nakoron ba sikun haluha aan
Keta.
Keta hakdasak beibeik
Loron nakduir áas ona
Kahe ba, kulit foun nee
Bainhira otas hako'ak ba nia nakaras
Karik lolon nee selu sira kosar
Kosar be turuk habokon hamnasa ohin
Atu lasai duut manlai ba ain fatin rasik
Maibe karik lamidar nu'udar mehi tuan
Husik ba, simu ho liman nakloke
Tan loro matan sei mosu maske nakukun falun fila-fila
Basá husi hakdasak sei hetan anin roman foun
Maske nanotak hako'ak ba liman laran
Dungannon, 18.08.18
Djoe Lari Mata
5. "Liaun kulit bibi-malae."
Liafuan mesak tais
Ba hirak be ó hais
Nee mak bisnis
Buka hatutan iis
Ha'u klamar tanis
Ba ó be matenek nanis
Halimar ho ha'u moris
Hodi hadau lais
Ohin ha'u hatene kois
Ó lekar mesak dois
Husi kakutak be ó hois
Ho ó knananuk koris
Dungannon, 30.07.18
Djoe Lari Mata
6. "Sorti be...."
Sorti be... ha'u look netik kosar been
Ohin nia hako'ak netik naroman
Sorti be... ha'u kari netik masin midar
Ohin nia lekar netik hamnasa mamar
Sorti be... ha'u tafui netik ba babota
Hodi nia lian lulik nia lian surik
Sorti be... ha'u iha hodi nafatin konta
Be nusa ha'u nain nafatin mesak halerik ?
Laiha ida mak sisi ka obriga ha'u
Lae mos ida mak dada, mos dudu
Lae mos ida mak selok ka babeur
La'os mos tan ha'u matan dukur
Etu karik tein tasak ona
Wee karik nakfakar ona
Sá naksalak mak ha'u hatutan kokorek?
Be nusa sei name'ek lerek?
La'os lalatak ne'e oan husi ita futu-lia?
Dungannon, 22.08.18
Djoe Lari Mata
7. "Ha'u lian, ha'u lalatak (identidade)."
Tós natar bokur loke liman falun hamaus
Ó hatutan tuur namlaek
Ko'us ó ain falun kanuruk
Sulin áan ba lalatak "jaman now"
halo makerek ó nian rasik
Sai namlele hodi dudu ó maluk ba sikun
Hamoe, hasara no hewai ó maluk
Nabolok lolos monu husi kalohan tutun
Hei hun matak dikin nurak sira
Hader ba
Ó mak lutu ó mak liman kro'at
Atu satan atu tane
Hamorin haburas habelar ó lian
Oinsa mak bele foti ó oin
bainhira ó rasik hasakat
tolan balun arota balun
la toman hakmumuk iha ó ibun rasik ?
Rai tarutu udan monu rai
Sei habokon hela rai
Oinsa tós natar be bokur laiha folin
Bainhira ó rasik la kosar sulin?
Keta dehan folin laek, keta.
Se ó rasik mak sabir hodi tisi ba luron
Dungannon, 24.08.18
Djoe Lari Mata
8. "Ukun áan."
Neon, aban ita selebra ukun áan
Los !
Katak....
Mataween fakar bikan doku
Selebra ran naksulin
Selebra ruin naklekar
Husi kakutak ne'ebé dadur, lakon naroman
Husi rate laek nebe ohin nonok, malirin
Akh...
Ka aban ha'u fanun ó, "hoi... hader, loro-matan áas ona. Kesi futu kabun hadau naroman."
Ka ita, "sena malu, dudu malu, hakat sai neineik husi ita knua. Hodi sai la'orai iha rain rasik."
Dungannon, 29.08.18
djoe lari mata
9. "Lalatak lafurak nu'udar mehi kalan."
Ha'u foin hahu hakat
Ain fatin sei kaber
La falun rai uut nebe tempu mak han
Lae. Ain le'ut sei matak
Husi ibun, hahu riska kalohan metan
Ba fatuk musan be teri netik
Hanesan abu-abu tomak kor metan bainhira hare husi besik
Nafatin hakat,
Ha'u look matan ba foho krekas neba
Kakutak sasin lia ho iis nanotak
Pinta ai-hun mesak maran, molik, laiha folin
Nu'udar nia laek nanis ba kor matak
Ikus, ha'u tuur hakmatek
Ho ain-tuur hako'oak kanuruk
Iha kakuluk lolon rasik nia mahon
Sisi áan, kolu taridu, luku ba anin foun
Fihir kle'an ba osan besi ho matan rua
Basá midar ne'e la'os katak laiha moruk
Dungannon, 28.08.18
Djoe lari mata
10. "Sira merese duni."
Sira...
Semo namlele iha kalohan tutun
Hananu knananuk ho anin mamuk
Ne'e sira...
Karik la monu ó laran ?
Hakmatek nonok haksumik iha ó laran
Keta koko iis
Keta selok nanal
Keta fai liman
Keta !
Di'ak liu ba fó han fahi
Behu batar ba manu
Halibur bibi ba wee matak
Fila rai hodi hatene kosar
Basá...
Sira matak nakonu tarak
Sira ksolok su'ar nonok
Nune'e...
Ohin, loro-matan leno duni ita rain
Dungannon, 28.08.18
djoe lari mata
11. "Na'in ba ain rasik."
Kumu liman sama rai metin
La'o ba oin, lolo ain dook, riska ain fatin
Loron aban, laiha ona belun laek ona maluk
Husi sira be falun ó naran ho de'it knananuk
Loron aban nia manas kro'at, mos si'ak
Lakon ona talin lisan nu'udar lalatak
Lekar hela mak ó se ha'u se husi ita le'et nu'udar knanoik
Basá na'in rasik sai ona du'ut manlai iha nia tós rasik
Lae. Ó tenke hakat mesak ba oin
Sela tarak, hakdasak, hodi hadau folin
Nu'udar bukae hodi dahur biar lian halerik
Tan molok aban loro matan mosu, ó sai ona la'orai iha rain rasik
Dungannon, 05.09.18
djoe lari mata
12. "Mehi"
Mehi ?
Keta mehi
Keta.
Dada iis de'it mos todan
Basá ó mehi, ó nian rasik fa'an ona
Hela mak tatis sorin be kulafru
Hodi ó loke matan iha dader-dader
Fihir netik rai nia furak
Foti matan sa'e took ba laletek neba
Ba kakuluk neba
Ó sei lafiar sá mak matan sei ko'alia ba ó
Lohi ó neon katak sira ó liman sorin
Sira tuur taka falta halo netik rai moris
Hodi kili malu
Hodi ku'u malu
Hodi ke'e malu
Hodi hakoi daudaun ó klamar
Sé kolen ona tonka kakorok
Hakmatek ba ho ó laran dodok
Fila hikas ba ita baraka, falun nonok
Sura hikas ita fatuk musan hira sei hela
Atu aban sira liu, la teri netik sira ain fatin
Basá ita iha husi ita nian laiha ba sira neon
Nune'e keta mehi tan
Keta.
Maibe dada iis ba, ho loron nanotak ita iha
Molok aban sira fa'an tutan ita lolon
Dungannon, 07.09 18
Djoe Lari Mata
13. "Liamenon ba ó loron moris."
Oan,....
Ohin ó hanaruk tan loron moris
Ha'u, ó aman,....
Sei lakari naroman ba ó babota
Tuir sá mak sira lekar iha ó matan
Lae. Sei lamosu iha ó oin !
Tan sei haki'ak de'it ó neon baruk
Halo ó liman mihis haluha kosar
Karik ohin ó laran lahakmatek
Karik ohin ó neon taridu tan liras laek
Basá ohin,...
Ha'u fakar moruk turuk ida ba ó bikan laran
Hodi fanun ó klamar neon nain
Nune'e loke ó kakutak nu'udar ema baibain
Katak....
Moris lolos ne'e la'os hanesan iha paraiso
Ka mehi furak be ó hetan iha toba kalan
La'os mos husi seluk nia lolo liman ka laran luak
Maibe me'er iha ó isin lolon mak ó áan
Oan,....
Karik laiha buat murak hodi hafalun ó loron ksolok
Hili ba ha'u lala'ok hodi fihir ó dalan
Moris la'os mamar hanesan pudin hodi fase ibun
Tan loron aban, lalatak moris si'ak tebes
So ema iha kulit mak bele hakur laloran fuik
Husi nonok, nee mak ha'u nia mehi ba ó atu banati
Hein katak ó bele sai nain ba kakutak rasik
Hodi riska ain fatin mesak
Dungannon, 01.10.18
Djoe Lari Mata
14. "Kbi'it husi mukit."
Hare...
Hateke...
Dook ba foho matak neba
Nia lekar ba matan : hakmatek, nonok ninian
Laiha lian ida husu ba ha'u laran luak
Hodi sasin nanal katak nia furak, nia kmo'ok, nia kmanek
Lae. Nia hakmatek, nia nonok maske nia furak nanis
Maibe karik ha'u fihir ba ha'u sorsorin
Barak tebretek, barak nakri'ik hatudu áan
Sasin liman kari furak kail laran kmaus iha matan aat sira le'et
Tan hamro'ok husi áan be la satan
Maske ulun mak katar maibe koi fali ain
Ba sira, "akh.... ne'e baibain ona."
Karik ha'u hateke ba áan, fihir ha'u lalatak
Ha'u sei hatene no hatene duni
Se mak se, sa tan ho ha'u
Tan ha'u mos ida hanesan sira
Be hamro'ok ba seluk nia ibun midar
Katak ha'u iha kbi'it, ha'u liman morin
Nebe nafatin lohi áan atu hadau popularidade
Haluha katak loron ruma sei sai fatuk tarak ba ain rasik
Maibe dala barak mos ha'u oin mahar dehan ba áan : "akh... ne'e baibain tiha ona."
Dunganon, 16.10.18
Djoe Lari Mata
Komentar
Posting Komentar