Hamutuk Homan Knanoik

Wainhira ha'u ka O ka nia ka ka imi ka ita fofoun moris iha rai, tantu ha'u ka ita tomak neim sente sa tan hatene se no saida mak hanaran ema bo'ot ka se no saida mak ema ki'ik, se mak folin bo'ot ou sai primadona ka se mak folin laek hanesan rai uut. Hafoin ita hanesan niki tara a'an ba inan nia susun durante fulan sia ka to'o tinan ida ho balun, bele mos to'o tinan rua, neineik ita dolar, hatutan ba hatene lao mesak no hahu inan aman sulan ita ba eskola ho mehi ne'ebe tara iha lalehan neba. Hanesan izemplo, wainhira fofoun ha'u ba eskola no ha'u nia inan husu ha'u : "O aban bainrua hakarak sai saida ?" Ho fiar a'an ne'ebe bo'ot tebes karik bo'ot liu Maromak wainhira nia komu taho hodi halo Adaun iha loron ba dahitu, ha'u hatan ho lais tebes katak, "Ha'u hakarak sai pilotu !!!" "Tamba sa ???" "Tamba ha'u hakarak semo hanesan manu pombu iha lalehan neba. No mos bele...

Hafoin ita hotu hatene, ema tomak matan nakloke, mundu tomak nia emar doko ulun rekonhese O nia moris, O nia a'an, O nia mosu no O nia iha. Sira hotu ho ibun ida lian ida, ain ida hakat ida, hanesan isin ho klamar sai ida, nune'e hobur hodi hananu. Katak : O laos ona atan ka ema dadur husi rai ketan Republika Portuguesa nian, O laos ona provinsia ba daruanulu resin hitu husi Negara kesatuan Republik Indonesia, O laos ona rai ho status nasaun ne'ebe la iha governasaun rasik, Maibe,.. O nasaun ida ona, bandera ketak ona, O mak nasaun RDTL ka Republika Demokratika de Timor Leste nu'udar bebe oan foin moris ne'ebe sarani ho naran mesak ona. Ema hotu haksolok, tamba O hanesan ona bebe oan foin moris, ema tomak, visinho uma sor-sorin hanesan ema lao rai, husi ema ne'ebe konhese to'o ema ne'ebe oin fuik, hakbesik hodi lolo liman, hodi selebra loron moris. Balun kous tiha no hi'it a'as tiha ba lalehan hafoin lu'ut fali iha versu laran, balun...

Hafoin ha'u haris hotu hau hakat ba kuartu laran lamas faru tuan no kalsa mos tuan ida (mos no la kuak ba mai sa tan noda). Tamba ha'u nunka toman uja mina morin, mina fuk no hatais nebe sivilizadu (cuek) ha'u ba kedas Atoi nia uma. Atoi nee hau nia primu, ha'u nia apa nia alin nia oan. Ha'u bolu nia no ami tula malu ba kedas festa kazamentu primu Amanu ninian. Amanu ne'emos laos ema seluk, nia Ama nia bin nia oan. "Toi... Prontu ona entaun mai ita ba na ga ?!?!" No ha'u fo karta konvite ba hodi kaer, ha'u hamoris motor no ami ba kedas festa. Ami ba liman tanan, la lori presente. Nune'e, wainhira iha dalan klaran Atoi husu ona mai ha'u. "Maun. Be maun tau deit hanesan née ga ? Pois ita la lori buat ida ka ?" "Ne'ebe.....?!?!?!?" "Ah ! Pelumenus hatais netik roupa tisu, tau sapatu koiru no ita lori netik kado ida ga. Namdigas primu nia festa tiha mak ita ba mamuk los née, nee tian sira orsida koalia ...

Ha'u lahatene hahalok nee mosu no belit los ona ho ha'u lolon to'o sai abut iha klamar, karik mosu hafoin ha'u estuda maka'as to'o matenek hodi sai tiha nune'e ka ambiente ransu malu mak influenza ha'u ka iha nanis ona wainhira ha'u moris ? Ahhh !!! Ha'u lahatene!!! Wainhira sei ki'ik kedas, ha'u ulun moruk, lakohi rona ema, sente a'an los mesak, ha'u la hakarak tebes se ema seluk matenek, badinas ka halo liu ha'u maske ha'u mos la beik ida. Nafatin badinas Kadi talentu nee. No ha'u la sente dikur AROGANSIA hahu moris matak husi loro ba loron ne'ebe ha'u liu daudaun. Ha'u sempre hanoin karik loron ida sai bo'ot nune'e bele realiza ha'u nia mehi ne'e. Tempu dolar nafatin ba oin, ohin ha'u hahu otas klosan no hakiak nafatin ai tahan nee. Husi ha'u nia esperencia, ha'u hanoin, karik, hahalok nee hanesan heransa nebe hatutan husi jerasaun ba jerasaun, ne'ebe la hakarak se...

La hanesan loron bai-bain, ohin loron née ema barak mosu, la hatene mai husi nebe, karik husi rai seluk ka husi planeta seluk, maibe ho postura a'as noton, kulit morena, fuk mulatuk no kahur kribu, ha'u sente karik née mesak ita rasa Timor nian. Klaru, ke ema hotu mosu oi-oin deit. Sira kanta no haklalak, ibun loke taka hasai lian to'o nafurin katik sai, ho ritmu oi-oin iha ema hotu nia tilun, ho musika ne'ebe TUAN ona, maibe ba sira hananu hanesan ohin mak musika née hasai husi dapur gravasaun nian, hodi hase no hamaus ema hotu nia neon hanesan sira mak bee malirin wainhira ema hamro'ok iha loron manas laran, maibe, ikus kakorok nafatin maran atu kotu sal-sala. Ha'u nebe hanesan mos rona nain, ne'ebe hanesan mos tilun barak rona, mosu laran hakarak atu rona. Laos tan sira lian ne'ebe furak, laos tan liafuan kmanek nebe sira hananu no laos mos knananuk née kala kona los ponteiru ha'u nia fuan matan. Ha'u ladun hatene klaru. Maibe, atu hatet...

1.••• "Hau hakarak imita tuir O" Husi o sasin lia nebe furak dulas hau kakutak atu banati, Ohin halo hau mos hiit lapijera. Hau La hatene.!!! Pinta letra halo surat tahan naroman sai azul karik ho versaun sa los...     Poeta ka ?     Istoria badak ka ?     Ou seluk-seluk tan...     Hau lahatene !!!    Hau hatene mak hau pinta, dada letra tuir sa mak hau hakarak, sa mak tuir hau kakutak hato'o konaba sa mak hau fihir no sente la iha ema ida taka hau ibun wainhira hato'o hau nian pintura. Husi O nia hanoin nebe mesak kapaas, Kili liman fuan lima nee atu halimar dasa ba mai iha surat tahan leten tuir hau bele no la sente sala ba buat ida, hodi koko imita tuir hau dalan hanoin Sasin lia husi O, furak, tuir nia dalan Nakonu ho inspirasaun no lia menon Hamaus no halibur ho sasin lia mak la kotu Dada hau ba halimar iha O hanoin iha biban hau hateke hodi interpreta O nia liafuan be marka hela iha kadernu. Haruka hau halao tuir ...

La iha hakerek furak ne'ebe mosu mesak de'it nune'e, needuni ita koko hato'o ita nia hakerek liu husi hakerek simples, keta tauk, moe ka lakohi atu hakerek tamba deit ita nia hekerek ne'e la furak, laiha kualidade, la hanorin ema, la inspira ka motiva no la atrai ema hodi lee. Maibe, ita hahu duni hakerek hodi hatoman ita, nafatin hakerek, hodi nune'e neneik ka kleur ita mos bele sai hanesan hakerek nain ne'ebe diak. Lia fuan murak husi hakerek nain sira : "Ita mak sei sai istoria ba ita nia a'an rasik. Saida mak ita hakerek sei nafatin preserva no saida mak ita hatene hodi rai hakmatek iha hanoin, nia sei lakon tuir tempu nia lao." Ne'eduni, mai ita hakerek. Fahe hanoin ba malu, kurize malu liu husi ideias konstruktivu no motiva malu atu nafatin hakerek. Importante mak ita bele fahe/hato'o lia menon ruma ba maluk seluk tuir ita nia prespektiva.