"Knananuk du'ut fuik husi luron ninin."

Husi rai maran, rai uut kahur raihenek, luron ninin, fatin fo'er hamaluk ho lixu koris oioin, ha'u hatudu aan husi laletek, hatudu ba ema hotu katak ha'u iha. Husi furak hotu nebe ha'u hare, lian barulhu nebe sukit ha'u tilun, no hanoin : "karik ha'u bele hakat ain, muda ba fatin seluk, ha'u bele komprende moris ne'e nia furak to'o iha nebe." Maibe, kuitadu tebes kuitadu. Ha'u folin laek. Prontu firmi iha fatin, simu loron manas, rai rahun, anin fo'er husi transportes sira, ema sama no simu ho nonok laiha lian halerik.

Dala ruma ha'u hakarak muda an tuir maluk seluk. Nebe moris haksolok, hamnasa haklalak, buras matak husi sira nia moris fatin. Maibe realidade moris hanorin mai ha'u katak : "Laiha moris, iha moris ne'e nebe fasil. Haksolok la'os de'it hatudu husi matan sidi kona, maibe oinsa aruma naha nebe simu tuir destinu ida-idak nian ho dalan nebe lahanesan." Ha'u tenke forsa, hakbi'it an ho kbi'it nebe iha, hodi fihir ba loron oin ho liman nakloke.

Iha ha'u fatin, fatin be fo'er, fatin ema hotu hewai, hakribit no la foti matan atu hare koin ne'e. Karik imi, imi ha'u belun tomak, karik rona kois ha'u lian, karik husi ema lee surat tahan aat nebe ema prega hela, ka anin fuik huu liu imi tilun ka husi istoria imaginasaun, hanoin ba. Katak, "Moris ne'e nakonu ho furak rihun ba rihun, loke neon no laran atu agradese hodi loke ita dalan ba odamatan furak nebe ho liman nakloke hein hela ita hakbesik an. No hases lian halerik, nebe sei halo malahok atu neon hateke ba furak be hein hela iha nia kadunan."

Ne'eduni belun sira, sulin ba, hakmatek hanesan wee mota husi foho ba tasi, halo nakonu iha kakutak ba hatene be ita simu husi fatin ida ba seluk. Falun halerik hotu ho hakmatek. Fiar ba, husi dalan hotu nebe ain hakat liu, sei hetan furak ketak nebe sei lahetan tan iha fatin seluk no loron seluk. Hatene ba, moris ne'e dala ida no ita ida-idak nee uniku ho talentu lahanesan. Tan ne'e, agradese no valoriza ba moris ne'e, tan ita hetan ona moris.

Caicoli, 04.04.17
Djoe Lari Mata

Komentar

Posting Komentar

Postingan populer dari blog ini

"Se Mak Ha'u?"

Husi rai nebe maioria nakonu ho fatuk ahu-ruin, ohin ema hanaran Baucau ka malae sira hanaran 'Vila Salazar', husi oan mane mesak ida eis soldadu tempu Portuguse, eis hela fatin iha asrama Taibesi, nebe dedika an tomak sai kondutor (kamineta, inumok, vaskolante, trator to'o karihho) ba kuaze nia moris tomak iha moris misaun nian. Liafuan 'misaun' sai ona nudar nia iis moris, iha hahalok nomos fiar. Lahatene, tragedia sa'ida mak mosu, karik mesak monu husi kalohan ka milagre. Nune'e, nia hetan feto ida. Feto husi rai nebe nahe ho fatuk "afa-kai" iha rai Saga-dete neba. Feto ida nebe haraik an laran maus, lagosta koalia barak no iha klamar sai lideransa. Ikus sira sasin ran iha domin hodi sai ami inan aman. Hafoin hakur liu ondas bo'ot naksalak barak iha uma laran, situasaun politika nebe lafasil, laloran naha ekonomiku nebe todan, sira fahe presente murak ba sira familia no ba sira an mos. Liu husi hahoris oan mane ida nebe ha'u bolu maun ...
Baca selengkapnya

"Do'ok sai besik, Besik sai do'ok."

Ha'u ema foho, moris iha foho no hahalokmos hanesan ema foho. Iha tempu ha'u sei SD klase 0, ha'u la hanoin kona liu dalan oinsa ema kontaktu malu wainhira do'ok husi malu. Tamba tempu hotu be furak liu ba ha'u mak so uja ba halimar. Hatene mak halimar no halimar no tempu duni atu halimar. Hafoin tama klase 4 SD mak foin hatene kois wainhira ema kontaktu malu atu fahe info husi ema ida ba seluk liu husi hakerek surat. No iha tempu neba, se la sala maluk sira (bapa oan) uja "sahabat Pena" hodi kontaktu malu husi rai ida ba rai seluk no ba asuntu importante ema boot sira uja telegrama ne'ebe sente sei lais liu duke surat. Hafoin ha'u sae ba klase 6 SD, hahu eskola hamutuk ho bapa oan sira, ha'u iha oportunidade hodi aprende netik buat ruma husi sira. Ha'u sei hanoin wainhira ami tuir les bahasa Indonesia, sira hanorin sira nia lian mai ami, konta istoria labarik nian oioin mai ami, no molok fila ba uma ami sei halimar hamutuk iha salaun e...
Baca selengkapnya

"Parabens Oan"

Loron la'o halo'ot ba kalan Fera liman hisik kosar Lian halerik falun nonok laran Nafatin hakat ain maske susar Loron la'o la sente kolen Kosar turuk maran iha lolon Tan hakarak tuni ita bikan Ba loron aas bikan naton La sente oras dulas lais Duni mehi hodi hulan naha Karik "O" neon lahoman ho tanis Katak iha ne'e, O ami haluha Laran ne'e moras Se ohin ami liman mamuk La buat furak ami hasa'e ba aas Ho buat laek iha orasaun hato'o hamaluk Bidau, 18.04.17 Djoe Lari Mata
Baca selengkapnya