"WAINHIRA MATAN KOALIA"
Husi imi nia fatin, sempre dehan servisu barak, tempu oituan tebes atu hasoru ami, sa tan ami be beik no ki'ik tebtebes ne'e. Imi dehan, dehan halo ida ne'e ida neba. Buat hotu imi halo, ki'ik bo'ot so imi mak halo, husi rai laran rai liur imi de'it mak bele halo, hodi halo imi sai ema nebe "EXTRA OCUPADO" to'o tempu atu dada iis de'it mos susar tebtebes ba imi nia an. Kuitadu...
Husi ha'u nia fatin mos ha'u hare, tuir ha'u mesak nia matan, tebes, imi servisu maka'as duni. Ha'u apresia tebes imi nia badinas ne'e no la nega hodi hi'it liman fuan bo'ot rua ba imi. Tama tarde ho razaun nain de'it mak hatene. Partisipa inkontru ho ema bo'ot, ema ki'ik to'o inkotru mesak iha imi ida-idak nia sala laran tan hetan hakilar husi ida be bo'ot liu imi. Tuir workshop iha rai laran, rai liur no fuan sei funan-funan hela hodi hein nafatin konvite karik husi planeta seluk. Ne'e so imi de'it mak bele.
"Tansa dala ida rua la tun ba baze, hare ho matan, rona ho tilun no tetu ho fuan konaba to'o nebe ona programa hotu implementa no sa'ida mak oras ne'e ema la'ek sira hamrok ba ?" Iha ha'u nia laran, husu ba an.
Se Karik, hanoin iha ha'u laran ne'e mak sulin kona imi neon karik, paling imi dehan, "Ahh...!! O hare to'ok fali ami nia lala'ok iha leten. Katak, ami ne'e grupu ema nebe 'EXTRA OCUPADO', jere peograma lubuk, ne'eduni O nia hanoin ne'e di'ak liu halot hela iha gaveta laran no keta haluha save metin tiha."
No karik sei iha tempu, imi sei dada iis oituan hodi hatutan, "Se hare ba O nia nivel edukasaun, nivel SMA. O mak merese duni atu tun ba baze, ami ne'e gestor ka exekutador ba programa no O mak implementador. Tan ami mesak ESPESIALISTA, ES TIGA, kahur ho ES DUA ida rua no sorte di'ak mak ES SATU oan sira sikat le'et netik iha klaran. Jadi, O mak komprende de'it ona."
Husi hanoin nebe sei namlele, se tebes ida ne'e mak imi nia lala'ok, imi nia hanoin, nudar gestor. Nune'e, karik se ha'u lasala, ha'u hakarak hatan hikas imi nia hanoin ne'e, " Los. Tebes. Imi gestor nebe excelente, nabilan no peritu duni. Tan ne'e, nafatin tinan la'o ba oin, problema mos mosu nabnaba, maibe imi matenek tebes atu falun metin los to'o iis oituan de'it mos lahoron kois."
Hafoin tolan kaben, ha'u hatutan hanoin hodi hatan ba ha'u nia hanoin rasik, dehan, " Los. Imi iha kbi'it hamosu 'programa osan turuk' de'it iha semester dahuluk, dehan osan laiha, maibe wainhira besik ona taka tinan, osan lahatene mai husi nebe, karik monu husi lalehan. Nune'e, la ho konsiderasaun profundu, naran executan ba programa nebe laiha benefisiu. Tan deit atu gasta hotu osan, hodi hatudu imi jestor di'ak. Lahaluha, TUSAN mos kari tun sa'e hela iha seitor privadu, no sei selu iha tinan oin mai. Nune'e, tan imi matenek los hodi halo ita tinan ba tinan mak la'o marsa iha fatin."
Dili, 16.02.17
Husi ha'u nia fatin mos ha'u hare, tuir ha'u mesak nia matan, tebes, imi servisu maka'as duni. Ha'u apresia tebes imi nia badinas ne'e no la nega hodi hi'it liman fuan bo'ot rua ba imi. Tama tarde ho razaun nain de'it mak hatene. Partisipa inkontru ho ema bo'ot, ema ki'ik to'o inkotru mesak iha imi ida-idak nia sala laran tan hetan hakilar husi ida be bo'ot liu imi. Tuir workshop iha rai laran, rai liur no fuan sei funan-funan hela hodi hein nafatin konvite karik husi planeta seluk. Ne'e so imi de'it mak bele.
"Tansa dala ida rua la tun ba baze, hare ho matan, rona ho tilun no tetu ho fuan konaba to'o nebe ona programa hotu implementa no sa'ida mak oras ne'e ema la'ek sira hamrok ba ?" Iha ha'u nia laran, husu ba an.
Se Karik, hanoin iha ha'u laran ne'e mak sulin kona imi neon karik, paling imi dehan, "Ahh...!! O hare to'ok fali ami nia lala'ok iha leten. Katak, ami ne'e grupu ema nebe 'EXTRA OCUPADO', jere peograma lubuk, ne'eduni O nia hanoin ne'e di'ak liu halot hela iha gaveta laran no keta haluha save metin tiha."
No karik sei iha tempu, imi sei dada iis oituan hodi hatutan, "Se hare ba O nia nivel edukasaun, nivel SMA. O mak merese duni atu tun ba baze, ami ne'e gestor ka exekutador ba programa no O mak implementador. Tan ami mesak ESPESIALISTA, ES TIGA, kahur ho ES DUA ida rua no sorte di'ak mak ES SATU oan sira sikat le'et netik iha klaran. Jadi, O mak komprende de'it ona."
Husi hanoin nebe sei namlele, se tebes ida ne'e mak imi nia lala'ok, imi nia hanoin, nudar gestor. Nune'e, karik se ha'u lasala, ha'u hakarak hatan hikas imi nia hanoin ne'e, " Los. Tebes. Imi gestor nebe excelente, nabilan no peritu duni. Tan ne'e, nafatin tinan la'o ba oin, problema mos mosu nabnaba, maibe imi matenek tebes atu falun metin los to'o iis oituan de'it mos lahoron kois."
Hafoin tolan kaben, ha'u hatutan hanoin hodi hatan ba ha'u nia hanoin rasik, dehan, " Los. Imi iha kbi'it hamosu 'programa osan turuk' de'it iha semester dahuluk, dehan osan laiha, maibe wainhira besik ona taka tinan, osan lahatene mai husi nebe, karik monu husi lalehan. Nune'e, la ho konsiderasaun profundu, naran executan ba programa nebe laiha benefisiu. Tan deit atu gasta hotu osan, hodi hatudu imi jestor di'ak. Lahaluha, TUSAN mos kari tun sa'e hela iha seitor privadu, no sei selu iha tinan oin mai. Nune'e, tan imi matenek los hodi halo ita tinan ba tinan mak la'o marsa iha fatin."
Dili, 16.02.17
Djoe Lari Mata
Komentar
Posting Komentar